Bheed mein bhi uchal padun

Aur gaun tarane mann ke,

Koi bhi na dekhe achraj se,

Ji lun ek baar to khulke |

Keh dun dil ki baat bas yun

Soch bagair duniye ki reet

Kuch pal to yun aise ho ke,

Na apni haar badi na jeet|

Pyaar karun to shikan na aaye

Muskuraun to wo bhi muskaaye,

Chhal ki koi gunjayish na ho

Naahi wo dhikkare yun mujhko,

Lot-pot ho jaun mitti mein

Fir baarish mein jhoom lun aaj,

Ro lun bilakh-kar ik baar aye kaash

Har kisi se sneh batorun

Par Banu na kisi kaaran uphaas|

Andar purani kuch band potlian hai,

Baahar dhoop mein bikher to dun,

Kisi se ruthkar, jhagadkar,

Jhat se fir manaa to lun,

Ik baar, bas Ik baar fir se

Sapna wo bachpan ka ji to lun|